Sapraŭdnaja biełaruskaja kuchnia: Prachaładžalnyja napoi
01.06.2011 / 10:08
Limanad
Z 12 vialikich limonaŭ adcisnuć sok nad sitam u vazu. Zvaryć husty sirop z 1,5 kh cukru i 2,5 šklanak vady, dadać dla pachu skurki limonu, astudzić i źmiašać z syrym sokam.Raźlić pa butelkach i užyvać sa śviežaj vadoj ź lodam.
Aranžad
Biarecca šeść apielsinaŭ i čatyry limony, ź ich vyciskajecca sok i pravarvajecca z tryma litrami vady i z 1 kh cukru, dakładajučy trochi skurki limonu dla pachu. Paśla astudžeńnia padajecca ź lodam i kavałkami apielsinu.
Aršad
400 h sałodkaha mindalu i kolki horkaha mindalu mocna pataŭčy, zalić tryma šklankami vady i adcisnuć raz praz survetu; potym znoŭ rastaŭčy mindal i druhi raz adcisnuć, zaliŭšy jašče tryma šklankami vady. Zachaładzić i padać vielmi chałodnym.