Źjaviłasia jašče adna harełka ź biełaruskim brendam — «Svajak»
25.06.2010 / 11:21
Jaje vytvorcy rekłamujuć jaje jak «napoj dla ŭpeŭnienych mužčynaŭ».
Jany cvierdziać, što vyrablajuć jaje na sučasnym vysokatechnałahičnym abstalavańni z ustanoŭkaj «płacinavaj filtracyi». Košt hetaha inviestycyjnaha prajektu składaje 10 młn dalaraŭ ZŠA.
Dla «Svajaka» raspracavanyja śpiecyjalnyja receptury, jakija adlustroŭvajucca ŭ nazvach: «Chlebnaja», «Na biarozavych pupyškach», «Kiedravaja», «Žuravinavaja», «Łipa ź miodam».
Nazva «Svajak» napisanaja na biełaruskaj movie, što adrazu padkreślivaje nacyjanalnuju prynaležnaść handlovaj marki. Na bakavoj hrani butelki — 5 tradycyjnych tostaŭ: «Za sustreču», «Za zdaroŭje», «Za kachańnie», «Za baćkoŭ» i «Za svajakoŭ».
Vyrablaje napoj i prasoŭvaje novy brend Minski zavod vinahradnych vinaŭ.