Беларусь адмовілася выдаць Бакіева
Такое рашэнне прыняла сёння Генеральная пракуратура.
15.06.2010 / 16:01
Генпракуратура Беларусі адмовіла Кыргызстану ў выдачы экс‑прэзідэнта Курманбека Бакіева,
паведаміў РИА Навіны ў аўторак афіцыйны прадстаўнік Генпракуратуры Пётр Кісялёў.
«Запыт кіргізскага боку аб выдачы Бакіева пакінуты без задавальнення», — сказаў ён. Прадстаўнік Генпракуратуры адмовіўся растлумачыць прычыны такога рашэння.
На ўчорашняй прэс-канферэнцыі Курманбек Бакіеў заявіў, што не збіраецца вяртацца ў Кыргызстан і звінаваціў сённяшнія ўлады краіны, што яны не могуць навесці парадак у гэтай дзяржаве.
Запыт на выдачу Бакіева і неабходныя для гэтага дакументы паступілі ў Беларусь у трэцяй дэкадзе мая. Сам зрынуты прэзідэнт Кыргызстана знаходзіцца ў Беларусі з 19 красавіка паводле запрашэння Аляксандра Лукашэнкі.