U Biełarusi ŭvodziacca siezonnyja abmiežavańni na prajezd vielikahruznych aŭtamabilaŭ
19.05.2010 / 15:00
Časovyja abmiežavańni na prajezd vielikahruznych aŭtamabilaŭ buduć dziejničać na respublikanskich darohach Biełarusi z 20 maja pa 31 žniŭnia.
Jak patłumačyli ŭ pres‑słužbie departamienta «Biełaŭtadar» Mintransa, u nazvany pieryjad
u dzionny čas sutak (z 11.00 da 21.00) pry tempieratury pavietra vyšej za 25°S abmiažoŭvajecca ruch transpartnych srodkaŭ z nahruzkaj na adzinočnuju voś bolš čym 6 ton pa respublikanskich aŭtamabilnych darohach z asfaltabietonnym pakryćciom. Ruch nazvanaha aŭtatranspartu dazvoleny z 21.00 da 11.00.
U «Biełaŭtadary» adznačyli, što časovyja abmiežavańni nie tyčacca pieravozak pasažyraŭ, žyvych žyvioł, kvietak, hruzaŭ humanitarnaj dapamohi, bietonnych i asfaltabietonnych sumiesiej, niebiaśpiečnych hruzaŭ, chutkapsavalnych hruzaŭ, nasiennaha fondu i pieravozak, źviazanych z praduchileńniem abo likvidacyjaj nadzvyčajnych situacyj.
Na aŭtamabilnych darohach ustanoŭleny časovyja darožnyja znaki, dla transpartnych srodkaŭ, jakija traplajuć pad abmiežavańni, vyznačany placoŭki i miescy adstoju. Za pieramiaščeńniem »ciažkavahavikoŭ» arhanizavany pastajanny kantrol. Za paškodžańni daroh, vyklikanyja rucham z parušeńniem abmiežavańniaŭ, vinavatyja buduć pryciahvacca da adkaznaści ŭ adpaviednaści z zakanadaŭstvam.
Jak patłumačyli ŭ «Biełaŭtadary», časovyja abmiežavańni abumoŭleny tym, što pry vysokich stanoŭčych tempieraturach asfaltabietonnaje pakryćcio pad uździejańniem pavyšanych vosievych nahruzak transpartu defarmujecca, što pryvodzić da ŭtvareńnia darožnych uvahnutaściaŭ, zrušeńniaŭ, da źjaŭleńnia kalejnaści. U vyniku narodnaja haspadarka niasie ŭnušalnyja straty. Akramia taho, stvarajecca realnaja pahroza biaśpiecy darožnaha ruchu. Tamu pastanovy ab abmiežavańni ruchu aŭtatranspartu vydajucca štohod.