U Mahilovie ŭ aŭtaavaryi zahinuła 17-hadovaja dziaŭčyna + foty
Tak skončyłasia pajezdka dziesiacikłaśnika na baćkavym lehkaviku. Hora-kiroŭca i dvoje jaho siabroŭ špitalizavanyja.
15.04.2010 / 18:00
Fota 222.by
14 krasavika ŭ Mahilovie ŭ DTZ zahinuła 17-hadovaja dziaŭčyna. 16-hadovy padletak, vučań 10 kłasa, — na baćkoŭskim «Miersiedesie» vyrašyŭ pakatać svaich siabroŭ — dvuch 17-hadovych siabroŭ i 17-hadovuju siabroŭku.
Pryblizna a treciaj dnia, ruchajučysia pa praśpiekcie Šmita z boku AAT «Chimvałakno» ŭ rajonie prypynku hramadskaha transpartu «Saŭhas» hora-kiroŭca nie spraviŭsia z kiravańniem, u vyniku čaho lehkavik vyjechaŭ na pravuju pa chodzie ruchu ŭzbočynu i ŭrezaŭsia ŭ aśviatlalnuju mačtu. Ad sutyknieńnia aŭto raźlaciełasia na kavałki ŭ radyusie 60 mietraŭ. Najmacniejšy ŭdar ad sutyknieńnia pryjšoŭsia na miesca piaredniaha pasažyra, dzie siadzieła dziaŭčyna. Ad atrymanych traŭmaŭ jana pamierła na miescy zdareńnia. Hora-kiroŭca i dvoje jaho siabroŭ byli špitalizavanyja ŭ traŭmatałahičnyja i niejrachirurhičnyja addzialeńni Mahiloŭskaj haradskoj balnicy chutkaj miedycynskaj dapamohi.