Славамір Адамовіч маўчыць аб прычынах вяртання ў Нарвегію

«Паколькі ад таго грамадства чакаць дапамогі не выпадае, то рэалізоўваць свае праекты прыйдзецца за свае сродкі».

18.03.2010 / 14:25

Паэт азваўся з Нарвегіі. Ён дзеліцца планамі. Але ніяк не каментуе свой ад’езд.

«План адзін:

расквітацца з грамадствам выданнем кнігі вершаў і прозы.

А паколькі ад таго грамадства, як паказалі апошнія сем гадоў, чакаць дапамогі не выпадае, то рэалізоўваць свае праекты прыйдзецца за свае сродкі — за тыя,

якія я эканоміў у Нарвегіі, збіраючы пустую тару...

А ўвогуле, варта памятаць: калі хочаш насмяшыць Бога — раскажы пра свае планы».

Навіна пра вяртанне Славаміра Адамовіча ў Нарвегію з’явілася 8 сакавіка, у дзень яго нараджэння. Маці паэта Юзэфа паведаміла, што Славамір пачуваўся ў Беларусі лішнім, таму і з’ехаў зноў.

Паэт, які ў сярэдзіне 1990-х правёў восем месяцаў у следчым ізалятары беларускага КДБ за верш «Забі прэзідэнта», у 2002 паехаў на заробкі ў Нарвегію. Там атрымаў гуманітарны прытулак. Вярнуўся ў Беларусь летам мінулага года.

Кастусь Матушыч, фота svaboda.org