У МЗС Польшчы тэрміновая нарада ў сувязі з падзеямі ў Беларусі
У нарадзе бярэ удзел міністр замежных справаў гэтай краіны Радаслаў Сікорскі.
15.02.2010 / 13:48
У МЗС Польшчы ў Варшаве скліканая тэрміновая нарада ў сувязі з затрыманнем актывістаў непрызнаванага беларускімі ўладамі Саюза палякаў.
У нарадзе бярэ удзел міністр замежных справаў гэтай краіны Радаслаў Сікорскі.
Прэс-сакратар МЗС Польшчы паведаміў, што на нарадзе вырашаецца, якія крокі павінен зрабіць МЗС у гэтай справе. Раней Gazeta Wyborcza паведамляла, што ў часе сустрэчы міністраў замежных спраў Польшчы і Беларусі Радаслава Сікорскага і Сяргея Мартынава, Сікорскі перадаў праз Мартынава Лукашэнку неафіцыйны ліст. Паводле газеты, у лісце 10 пунктаў, падтрымку якіх Варшава ставіць у залежнасць ад паважлівага стаўлення Мінска да правоў польскай меншасці.