Vykanaŭcy teraktu ŭ centry Stambuła dali 7 pažyćciovych terminaŭ, ale 1794 hady ahułam
Terakt na vulicy Iściklal adbyŭsia 13 listapada 2022 hoda, tady zahinuli šeść čałaviek, a traŭmy atrymali 100 čałaviek.
26.04.2024 / 14:44
Fota z sajta trthaber.com
Sud u Stambule prysudziŭ vykanaŭcu teraktu ŭ centry horada da siami pažyćciovych terminaŭ — 1794 hadoŭ źniavoleńnia-pa sukupnaści złačynstvaŭ, paviedamlaje TRT Haber.
Vybuch na vulicy Iściklal adbyŭsia dniom 13 listapada 2022 hoda. U vyniku zahinuli šeść čałaviek, kala 100 paciarpieli.
Achkam al-Bašyr, hramadzianka Siryi 1999 hoda naradžeńnia, pakinuła bombu na adnoj z hałoŭnych turystyčnych vulic Stambuła. Jaje prysudzili da siami pažyćciovych źniavoleńniaŭ za «parušeńnie adzinstva i cełasnaści dziaržavy» i «naŭmysnaje zabojstva». Usiaho pa spravie prachodzili 36 čałaviek.