Maja Klaštornaja trapiła ŭ reanimacyju. Jaje stan ciažki
Dačka rasstralanaha paeta Todara Klaštornaha ŭ reanimacyi. Pra heta paviedamiła ŭ fejsbuku ŭnučka Chryścina.
25.04.2024 / 15:31
Maja Klaštornaja. Fota: «Naša Niva»
«Da babuli nas nie puścili. Doktar skazaŭ, što stan zastajecca ciažkim. Ciapier joj kapajuć kroŭ, bo ŭ jaje małakroŭje. A taksama pakul nie ŭstanavili pryčynu», — napisała jana.
Maja Klaštornaja — dačka rasstralanaha paeta Todara Klaštornaha. Joj 87 hadoŭ.
Jana — viadomaja architektarka, jakaja šmat zrabiła dla ŭviekaviečańnia pamiaci achviar savieckich represij, była navukovaj kiraŭnicaj miemaryjału «Kurapaty».