Раёнцы забаранілі друкаваць звесткі пра нованароджаных
Цэнтр персанальных звестак паведаміў пра сітуацыю, якая адбывалася ў адным з неназваных раёнаў Беларусі. Адтуль прыйшла скарга на дзейнасць раённага аддзела ЗАГС і рэдакцыю мясцовай газеты.
17.04.2024 / 18:11
У скарзе паведамлялася, што на інтэрнэт-сайце газеты, не пытаючыся згоды бацькоў, штомесяц публікуюцца навіны пра нованароджаных, якіх зарэгістраваў аддзел ЗАГС, з пазначэннем прозвішча, імя і даты нараджэння дзіцяці.
Між тым паводле заканадаўства распаўсюджванне персанальных звестак, як таксама і іншая іх апрацоўка, магчымыя толькі са згоды самога чалавека ці ягоных прадстаўнікоў або ў выпадках, прадугледжаных заканадаўчымі актамі.
Раёнка, як канстатуецца, заканадаўства парушае, таму ёй загадалі такую практыку спыніць, што газета і зрабіла.
Пры раёнках масава з'яўляюцца школы блогераў — паглядзелі, які кантэнт яны прадукуюць