Bałharyja i Rumynija pačynajuć vydavać šenhienskija vizy biełarusam

Z 1 krasavika Rumynija i Bałharyja pavinny pačać vydavać šenhienskija vizy, u tym liku i ŭ Biełarusi. Infarmacyju pra heta ŭžo paćvierdzili ŭ pasolstvie Bałharyi ŭ Minsku.

28.03.2024 / 17:06

Zdymak ilustracyjny

Z 2024 hoda Bałharyju i Rumyniju pryniali ŭ Šenhienskuju zonu, paśla čaho anansavali vydaču hetymi dziaržavami adpaviednych viz hramadzianam trecich krain.

U paviedamleńni bałharskaha pasolstva skazana, što dla zabieśpiačeńnia bolš vysokaha ŭzroŭniu absłuhoŭvańnia zajaŭnikaŭ u Biełarusi pasolstva Bałharyi ŭ Minsku zaklučyła pahadnieńnie ab źniešnim absłuhoŭvańni ź firmaj VFS Global.

Miarkujecca, što dakumienty na šenhienskija vizy ad Bałharyi buduć prymać u dzieviaci haradach: Minsku, Breście, Baranavičach, Viciebsku, Homieli, Hrodnie, Lidzie, Mahilovie i Pinsku. Konsulski zbor budzie składać €35, servisny zbor vizavaha centra — €25.

Što tyčycca Rumynii, to, pavodle papiaredniaj infarmacyi, jana taksama płanuje pačać vydavać biełarusam «šenhien» z 31 sakavika.

Čytajcie taksama:

Hiermanija nie davała vizy batutystu Litvinoviču, ale jon usio adno pryjechaŭ u krainu i adabraŭsia na Alimpijadu. Jak tak?

Kavaleŭski adkazaŭ na vosiem haračych pytańniaŭ pra pašpart Novaj Biełarusi

U jakija krainy biełarusy mohuć adpravicca na adpačynak bieź vizy? Śpis vialiki, ale jość niuansy

Nashaniva.com