Stała viadoma, jakija terytoryi razhladajucca pad schovišča radyjoaktyŭnych adkidaŭ
Dyrektar RUP «Biełaruskaja arhanizacyja pa abychodžańni z radyjoaktyŭnymi adkidami» Dźmitryj Łohvin na palach mižnarodnaha forumu «Atamekspa» ŭ Sočy raspavioŭ žurnalistam, jak u Biełarusi rychtujucca da budaŭnictva punkta pachavańnia radyjeaktyŭnych adchodaŭ, piša BiełTA.
27.03.2024 / 08:03
Fota: BiełTA
U Biełarusi płanujecca pabudavać punkt, jaki budzie praduhledžvać zbor, zachoŭvańnie, sartavańnie, pierapracoŭku i pachavańnie radyjeaktyŭnych adkidaŭ.
«Što tyčycca vybaru placoŭki, my razhladajem usiu terytoryju krainy. Praviedziena rabota pa vyvučeńni fondavych materyjałaŭ, archiŭnych dadzienych. Vyklučyli niejkuju častku terytoryi, dzie niemahčyma raźmiaščeńnie našaha pradpryjemstva. Jość dva asnoŭnych napramki, jakija my razhladajem.
Pieršaja — asnoŭnaja krynica vypracoŭki radyjeaktyŭnych adkidaŭ, heta značyć Biełaruskaja AES. Druhoje — terytoryja Paleskaha dziaržaŭnaha radyjacyjna-ekałahičnaha zapaviednika, heta značyć adčužanyja ziemli, jakija nie ŭciahnutyja ŭ haspadarčy abarot.
Zaraz pravodziacca kompleksnyja inžyniernyja pošuki, jakija dazvolać z dastatkovaj padstavaj spynić svoj vybar na toj ci inšaj placoŭcy. Skazać, dzie kankretna budzie punkt, my pakul nie hatovyja, hetaja praca jašče viadziecca», — skazaŭ Dźmitryj Łohvin.