У Беларусі прадаецца біткойн, які кожны можа сабе дазволіць
Яго ў продажы нарэзанымі кавалачкамі знайшлі ў крамах Green. У якасці вытворцы пазначаны Рагачоўскі малочнакансервавы камбінат.
10.02.2024 / 09:30
Фота: Money.onliner.by
На камбінаце Onliner.by растлумачылі, што гэта не навінка: сыр сталі рабіць яшчэ ў пачатку мінулага года. Ён адносіцца да цвёрдых сыроў накшталт пармезану. У ім выкарыстоўваецца спецыфічны набор заквасачных культур, якія дазваляюць смаку гэтага сыру адрознівацца ад іншых.
Ніякай асаблівай рэкламы гэтаму сыру камбінат не даваў — няма інфармацыі пра Bitcoin на сайце Рагачоўскага ММК, хоць пра іншыя такія прадукты там напісана.
Фота: Money.onliner.by
Па цане ён прыкладна ў два разы таннейшы за аналагічныя сыры. Праўда, гэта калі атрымаецца ўзяць яго на зніжцы па 21 рубель за кілаграм.
Фота: Money.onliner.by
У склад уключаны малако, соль, закваска, фарбавальнік і іншае. Энергетычная каштоўнасць прыкладна такая ж, як у булкі: 349 ккал.
Фота: Money.onliner.by
Які Bitcoin на смак? Дакладны адказ на гэтае пытанне даў бы праўдзівы аматар такіх сыроў, але ў рэдакцыі такіх не знайшлося. Таму апісанне простае: смак як у звыклага цвёрдага сыру. Bitcoin можна дадаваць у макарону, салаты, піцу, запечаную бульбу і аналагічныя стравы, куды падыходзіць пармезан.
Фота: Money.onliner.by