Нямецкія палітыкі патрабуюць пазбавіць грамадзянства «уцякачку Меркель» пасля таго, як яна апублікавала допіс з антыізраільскім лозунгам
Палесцінская дзяўчына Рым Сахвіль, якая ў свой час стала сімвалам міграцыйнай палітыкі Ангелы Меркель, апублікавала ў сваіх сацыяльных сетках трапляючы пад забарону прапалесцінскі лозунг.
14.11.2023 / 12:58
Фота: Sascha Steinbach / Getty Images
Сахвіль праславілася яшчэ ў 14 гадоў, калі расплакалася на сустрэчы з Ангелай Меркель — гэта адбылося пасля таго, як канцлер сказала, што ёй і яе сям'і пагражае дэпартацыя. Зрэшты, пасля гэтай сустрэчы Сахвіль і яе сваякі атрымалі від на жыхарства ў Германіі, а ў лютым 2023 года яна стала ўладальніцай нямецкага пашпарта, піша Bild.
«Любы чалавек, як і Рым, які не падзяляе нашыя каштоўнасці, не можа стаць ці застацца немцам. Яна падманам прайшла свой шлях да натуралізацыі», — заявіў BILD кіраўнік фракцыі ХДС у парламенце Экхардт Реберг.
Паводле яго слоў, памылка «павінна быць выпраўлена, а пашпарт і грамадзянства — ануляваны».
«Мы вельмі хутка натуралізавалі зашмат людзей, не настойваючы на тым, што немцамі могуць стаць толькі тыя, хто прызнае права Ізраіля на існаванне, а не антысеміты. Гэтыя людзі проста апынуліся ў нас не па тым адрасе», — дадаў Рэберг.
З ім згаджаецца і эксперт па ўнутраных пытаннях і праве, генеральны сакратар Свабоднай дэмакратычнай партыі Лінда Тойцеберг.
«Абарона жыцця габрэяў і правы Ізраіля на існаванне з'яўляюцца адной з неад'емных каштоўнасцяў нашай краіны. Любы, хто не падзяляе гэтыя каштоўнасці, павінен мець праблемы ў нашай краіне», — сказала яна.
Партыі-партнёры ХДС і ХСС, якія коратка называюцца «Саюзам», ужо ўнеслі ў Бундэстаг законапраект, які закліканы прадухіліць натуралізацыю антысемітаў.