Непагадзь нарабіла бяды ў дзвюх з паловай тысячах населеных пунктах
Для ліквідацыі наступстваў непагадзі задзейнічалі 1200 чалавек і 365 адзінак тэхнікі.
08.08.2023 / 08:21
Фота: МНС
Электразабеспячэнне за мінулыя суткі адноўлена ў 1829 населеных пунктах. Па звестках на 7.00 8 жніўня, аднаўленчыя работы працягваюцца ў 655 населеных пунктах, паведамляе Мінэнерга ў сваім тэлеграм-канале.
Найбольш напружаная сітуацыя — у Віцебскай вобласці, дзе навальнічны фронт стаў прычынай масавага падзення дрэў на лініі электраперадачы, іх абрыву. Работы па аднаўленні электразабеспячэння ў рэгіёне працягваюцца больш чым у 400 населеных пунктах. У дапамогу віцебскім энергетыкам накіраваныя брыгады з Гродзенскай і Магілёўскай абласцей.
Паведамляецца, што прымаюцца меры для ліквідацыі парушэнняў электразабеспячэння ў максімальна сціснутыя тэрміны.
Чытайце таксама: