Спёка вяртаецца. На выходных да +36°C
Сіноптыкі расказалі пра надвор'е на 3—5 жніўня.
02.08.2023 / 15:50
Фота: «Наша Ніва»
У чацвер ноччу пераважна па ўсходняй палове, днём у многіх раёнах краіны пройдуць кароткачасовыя дажджы. Месцамі навальніцы. Ноччу +12..+ 18°С, днём ад + 22°С па паўночным захадзе да +29°С па паўднёвым усходзе.
У Мінску да +27°C, невялікі дождж.
У пятніцу, 4 жніўня, месцамі па краіне кароткачасовыя дажджы. Днём у асобных раёнах навальніцы. Ноччу будзе ад + 12°C па паўночным захадзе да +20°C па паўднёвым усходзе краіны; максімальная днём складзе +23..+ 29°С, па Гомельшчыне да +33°С. У Мінску +24°C.
У суботу на большай частцы тэрыторыі краіны чакаюцца кароткачасовыя дажджы, днём месцамі моцныя дажджы. У асобных раёнах навальніцы. Ноччу ад + 13°C па паўночным захадзе да +21°C па паўднёвым усходзе; максімальная днём будзе ад +22°C па паўночным захадзе да +34°C па паўднёвым усходзе краіны, месцамі па Гомельскай вобласці паветра прагрэецца да +36°C. У Мінску +24°C.
А вось паводле pogoda.by ў нядзелю ў Мінску чакаецца +33°C.