Інстытут расійскай мовы супраць назвы «Беларусь»
«У расійскай мове датычна да суседняй краіны ёсць адна норма — «Белоруссия», якую і трэба выконваць».
27.11.2009 / 15:13
Навуковы сакратар Інстытыта расійскай мовы Расійскай акадэміі навук Уладзімір Пыхаў пракаментаваў прапанову беларускага Мінюста прызнаць «адзінай правільнай формай назвы дзяржавы «Рэспубліка Беларусь» ці «Беларусь», перадаюць Вести.
«У расійскай мове датычна да суседняй краіны ёсць адна норма — «Белоруссия», якую і трэба выконваць. Гэта тычыцца як мовы што дзённага ўжытку, так і сродкаў масавай інфармацыі,» — адзначыў ён.
— «Нормы расійскай мовы іншай назвы не прадугледжваюць».
Пакуль расійскія міністэрствы і ведамствы, а таксама сродкі масавай інфармацыі з асноўным прытрымліваюцца назвы «Белоруссия».