Толькі ў адным раёне Беларусі можна бесперашкодна наведваць лес
Міністэрства лясной гаспадаркі абнавіла інтэрактыўную карту забароны і абмежавання наведвання лясоў.
14.07.2023 / 15:29
Карта Мінлясгаса
Такім чынам, бесперашкодна наведваць лес можна толькі ў Пружанскім раёне (ён пазначаны зялёным).
У Брэсцкай вобласці забаронена цалкам наведваць лес у Брэсцкім і Камянецкім раёнах (пазначаныя чырвоным).
у Гродненскай вобласці цалкам забарона дзейнічае ў Гродзенскім, Лідскім, Воранаўскім, Астравецкім, Ашмянскім і Смаргонскім раёнах.
Ва ўсіх іншых раёнах уведзены абмежаванні (пазначана жоўтым). Гэта значыць, што нельга заязджаць на машыне і разводзіць вогнішчы.
Яшчэ раніцай было некалькі «зялёных» раёнаў у Гомельскай і Магілёўскай абласцях і забарона была толькі ў Гродзенскім раёне.