У Маладзечне адкрылі мемарыяльную шыльду Міхаілу Фінбергу
У Маладзечне, дзе ў гэтыя дні праходзіць традыцыйны Нацыянальны фестываль беларускай песні і паэзіі «Маладзечна-2023», на сцяне мясцовага Палаца культуры адкрылі мемарыяльную шыльду дырыжору Міхаілу Фінбергу.
09.06.2023 / 22:56
Міхаіл Фінберг, які памёр у снежні 2021 года на 75-м годзе жыцця, шмат гадоў быў кіраўніком Нацыянальнага акадэмічнага аркестра Беларусі. Узначаліў ён яго яшчэ ў 1987 годзе, калі аркестр быў Дзяржаўным аркестрам сімфанічнай і эстраднай музыкі, і не пакідаў кіраўніцтва да самай смерці.
Менавіта Фінберг быў адным з натхняльнікаў і стваральнікаў Нацыянальнага фестывалю беларускай песні і паэзіі ў Маладзечне, які сёлета адзначае сваё 30-годдзе. Таму невыпадкова, што менавіта там паставілі яму і памятную шыльду.
Паспрыяла гэтаму і тое, што Міхаіл Фінберг цягам усяго свайго жыцця быў цалкам лаяльны да ўладаў. Пры Лукашэнку ён быў членам Савета Рэспублікі Нацыянальнага сходу на працягу двух скліканняў, уваходзіў у савет па культуры пра Савеце міністраў.
А ў 2020-м годзе рэзка выказваўся наконт масавых пратэстаў. Ён лічыў, што на вулічныя акцыі ходзяць бандыты.
Чытайце таксама:
Памёр вядомы дырыжор Міхаіл Фінберг. Яму ішоў 75 год
Фінберг: На вулічныя акцыі выходзяць бандыты. А сцяг у мяне адзін — чырвоны