Другі энергаблок БелАЭС зноў адключаць ад сеткі
Другі энергаблок БелАЭС 10 чэрвеня будзе часова адключаны ад электрасеткі ў рамках праграмы выпрабаванняў, паведаміла Мінэнерга.
09.06.2023 / 18:44
«З 10 чэрвеня будуць праводзіцца даследаванні нейтронна-фізічных характарыстык актыўнай зоны рэактара блока са зніжэннем яго магутнасці да мінімальна кантраляванага ўзроўню з адключэннем ад сеткі», — гаворыцца ў паведамленні.
Раней міністр энергетыкі Віктар Каранкевіч паведаміў, што другі энергаблок БелАЭС працуе на магутнасці 75% ад намінальнай у рамках распачатага 31 мая этапу доследна-прамысловай эксплуатацыі.
Пасля анансуецца асваенне магутнасці да 100%, затым «на завяршэнне гэтага этапу будзе праведзена комплекснае апрабаванне абсталявання энергаблока на намінальнай магутнасці рэактарнай устаноўкі на працягу 15 сутак і пасля паспяховага выканання гэтых работ блок будзе гатовы да прыёмкі ў прамысловую эксплуатацыю».
Чытайце таксама:
Мінэнерга абвергла інфармацыю пра выкіды на БелАЭС