Maj 2023-ha staŭ u Biełarusi samym zasušlivym z 1945 hoda
U siarednim pa krainie vypała 11,9 mm apadkaŭ, heta 19% ad klimatyčnaj normy. Papiaredni rekord byŭ u 1971 hodzie (26 mm), paviedamiŭ Biełhidramiet.
08.06.2023 / 21:58
Histaryčnyja minimumy sumaŭ apadkaŭ adznačalisia ŭ mnohich haradach. Tolki na zachadzie i paŭdniovym zachadzie vypała 60-80% normy apadkaŭ.
Za ŭsiu viasnu ŭ siarednim pa krainie vypała 120,7 mm apadkaŭ, što składaje 86% klimatyčnaj normy za siezon. Pa bolšaj častcy terytoryi krainy adznačaŭsia niedabor apadkaŭ — vypała mienš za normu apadkaŭ za siezon. Miescami pa poŭnačy, uschodzie, poŭdni i krajnim zachadzie krainy suma apadkaŭ za try viasnovyja miesiacy pieravysiła normu.
U abłasnym razrezie najbolšaja kolkaść apadkaŭ adznačanaja na terytoryi Mahiloŭskaj vobłaści (125,4 mm abo 92% normy siezona). Najmienšaja — u Hrodzienskaj vobłaści — 112,2 mm, ci 78% normy.
Čytajcie taksama:
Čamu ŭ Minsku ŭ śpiakotnyja dni mocna śmiardzić?
Biełhidramiet bje tryvohu: Vierchni słoj hleby mocna vysušany
Na biełaruskich mieteastancyjach šeść načej zapar fiksavalisia tempieraturnyja rekordy