Isłandziec vykupiŭ dolu Mašenskich va ŭkrainskim prajekcie
Havorka pra 50%-ju dolu ŭ kampanii «Ekatechnik vialikaja Dabrań», jakaja zajmajecca vytvorčaściu soniečnaj enierhii. Jak stała viadoma Office Life, aktyŭ pierajšoŭ da novych uładalnikaŭ jašče ŭ pačatku hetaha hoda.
08.06.2023 / 12:06
Soniečnaja batareja. Ilustracyjnaje fota: Wikipedia
Dolu ŭ 50% kampanii, jakaja ekspłuatuje dźvie fotaelektryčnyja stancyi ŭ Zakarpackaj i Vałynskaj abłaściach (sukupnaja vyznačanaja mahutnaść — 27,58 MVt), biełaruski bizneśmien Alaksandr Mašenski nabyŭ u 2020 hodzie praz kiprskuju firmu Newride Services. Pa vynikach 2020-ha jana ŭvajšła ŭ top-25 najbujniejšych ukrainskich biznesaŭ pa vypracavanaj soniečnaj enierhii.
Adnak užo pa vynikach 2022 hoda praz sankcyi i vajennyja dziejańni kampanija paniesła straty.
Jašče ŭ siaredzinie 2022-ha Mašenski pieradaŭ kantrol u Newride svajoj dačce Janie, jakaja pražyvaje ŭ Łondanie. A taja ŭ pačatku 2023-ha znajšła novaha ŭładalnika na aktyŭ — brytanskuju kampaniju Max Credit Investment. Jaje zasnavalniki — isłandskija inviestary na čale z Karłam Kandrasanam. Mašenski viadzie bujny biznes ź Isłandyjaj, jon taksama jaje hanarovy konsuł u Biełarusi.
Čytajcie taksama:
Va Ukrainie sud skasavaŭ aryšt rachunkaŭ kampanii, zarehistravanaj na dačku Mašenskaha