Apieracyja pa vydaleńni hryžy ŭ Papy Rymskaha prajšła paśpiachova
Apieracyja prachodziła pad ahulnym narkozam, doŭžyłasia try hadziny i prajšła biez uskładnieńniaŭ. Pantyfik užo znachodzicca ŭ siabie ŭ pałacie.
08.06.2023 / 07:27
Papa Francišak. Fota: Andrew Medichini / AP
86-hadovamu Papu Rymskamu Francišku ŭ sieradu dniom paśpiachova praviali apieracyju pa vydaleńni hryžy ŭ balnicy Džemieli ŭ Rymie, piša Bi-bi-si.
Jak paviedamiŭ Vatykan, apieracyja prachodziła pad ahulnym narkozam, doŭžyłasia try hadziny i prajšła biez uskładnieńniaŭ. Pantyfik užo znachodzicca ŭ siabie ŭ pałacie.
Pa słovach aficyjnaha pradstaŭnika Vatykana Matea Bruni, hryža vyklikała boli, tamu daktary ryniali rašeńnie vydalić jaje.
«Znachodžańnie ŭ miedycynskaj ustanovie budzie doŭžycca niekalki dzion, kab zabiaśpiečyć narmalnaje paślaapieracyjnaje adnaŭleńnie», — dadaŭ Bruni.
U apošnija hady pantyfik sutyknuŭsia z šeraham prablem sa zdaroŭjem i vykarystoŭvaje kij i invalidnaje kresła z-za pastajannaha bolu ŭ kalenie.
U aŭtorak Papa naviedaŭ hetuju ž rymskuju balnicu dla płanavaha ahladu.
U sakaviku jon pravioŭ try dni ŭ balnicy dla lačeńnia lohačnaj infiekcyi, a ŭ 2021 hodzie pravioŭ 10 dzion u balnicy paśla taho, jak jamu vydalili častku toŭstaj kiški.
U minułym miesiacy pantyfik admoviŭsia ad svajoj piatničnaj aŭdyjencyi praz pavyšanuju tempieraturu.
Ale niahledziačy na prablemy sa zdaroŭjem, u Papy pa-raniejšamu ščylny hrafik, i ŭ žniŭni jon pavinien naviedać Partuhałiju i Manhołiju.
«Vy kirujecie Kaściołam nie kalenam, a hałavoj», — skazaŭ pantyfik letaś, adkinuŭšy mahčymaść svajho sychodu z pasady.
Čytajcie taksama:
«I tut ja vyjšaŭ ź siabie». Na błasłavieńnie Papy Franciška prynieśli sabaku
Papa Francišak pamaliŭsia za mir va Ukrainie pierad biełaruskim abrazom
Papa Rymski Francišak ličyć, što padziei va Ukrainie źjaŭlajucca «suśvietnaj vajnoj»