Pamierła Lilita Ozałynia — zorka «Doŭhaj darohi ŭ dziunach»
Słavutaj aktrysie było 75 hadoŭ.
05.06.2023 / 22:45
5 červienia pamierła łatvijskaja aktrysa teatra i kino Lilita Ozałynia (Lilita Ozoliņa), paviedamiŭ teatr «Dajles», dzie aktrysa pracavała z 1966 hoda, piša Delfi.
Lilita Ozałynia naradziłasia ŭ 1947 hodzie. Debiut u kino adbyŭsia ŭ 1967 hodzie: jana syhrała Viełtu ŭ filmie «Kali doždž i viecier hrukajuć u akno».
Ale papularnaść aktrysie pryniesła rola Marty ŭ filmie «Doŭhaja daroha ŭ dziunach» (1980). Taksama jana hrała ŭ teatry «Dajles» i ŭ Ryžskim teatry ruskaj dramy (Ryžski ruski teatr imia M. Čechava).