Pikietoŭca z płakatam «Svabodu i kienhuru, Pucin — pavuk» zatrymali na Krasnaj płoščy ŭ Maskvie
Pra heta, jak piša «OVD-Infa», raspavioŭ sam zatrymany, jaki nazvaŭ siabie Ivanam Puciacinym. Mužčynu viazuć u addzieł palicyi «Kitaj-horad».
04.06.2023 / 13:39
Siońnia ŭ Alaksieja Navalnaha — dzień narodzinaŭ (47 hadoŭ). Dziasiatki advažnych ludziej pa ŭsioj Rasii vychodziać z płakatami ŭ jaho padtrymku. Fota: «OVD-infa»
Kienhuru — heta adsyłka da prośby Alaksieja Navalnaha, u jakoha siońnia dzień narodzinaŭ, zavieści sabie ŭ ŠIZA kienhuru.
Navalny prasiŭ administracyju kałonii dać jamu ŭ ŠIZA dva pački machorki, plašku brahi i bałałajku. Jamu było admoŭlena. Taksama Navalny prasiŭ prysvoić dziasiaty dan pa karate sukamierniku, jaki zabiŭ čałavieka hołymi rukami. Jamu taksama admovili.
Nie dazvolili trymać chrušča. Ale najbolej Navalnaha aburyła admova administracyi kałonii dazvolić jamu ŭtrymlivać žyviołu — kienhuru. «Mnie admovili ŭ suviazi z tym, što kienhuru — heta dvuchrazcovyja sumčatyja, a takija ŭ ŠIZA zabaronienyja. Ja praciahnu baraćbu za svajo nieadjemnaje prava zavieści kienhuru», — napisaŭ Navalny.