Гурт Rammstein аказаўся на мяжы распаду
Прычынай стаў скандал вакол лідара гурта Ціля Ліндэмана, якога днямі абвінавацілі ў сэксуальных дамаганнях да фанатак з выкарыстаннем наркотыкаў, піша Bild.
04.06.2023 / 11:21
Rammstein. Фота з інстаграма гурта
Паводле інфармацыі выдання, іншыя ўдзельнікі гурта вельмі незадаволеныя паводзінамі саліста. Нягледзячы на экстравагантны вобраз, усе яны сем'яніны і лічаць, што Ліндэман ўцягвае іх у брудную гісторыю.
Разлад у калектыве з-за дзеянняў саліста разгараўся ўсе апошнія гады. Музыкі ўжо абмяркоўвалі планы па роспуску гурта.
Пакуль што ніхто з іх публічна не пракаментаваў скандал апошніх дзён.
«Ці распадзецца цяпер група канчаткова з-за сур'ёзных абвінавачванняў супраць саліста? Усё паказвае на будучую буру», — піша аглядальнік Bild Міхаэль Ніхус.
Чытайце таксама:
З-за канцэрта Rammstein на два тыдні зачынілі частку галоўнага парку Вільні
У Нямеччыне паставілі помнік салісту Rammstein, але яго хутка скралі