На Viva Braslav, аказваецца, не даедуць і заплананыя хэдлайнеры
Пра змены ў праграме оўпэн-эйр на Браслаўскіх азёрах паведамілі арганізатары.
03.06.2023 / 14:08
Фота: інстаграм Viva Braslav
«Мы вымушаныя паведаміць важную інфармацыю. Па незалежных ад нас прычынах, артысты Instasamka і Moneyken не змогуць прыняць удзел у фестывалі Viva Braslav 2023. Для нас гэта такая ж нечаканая навіна, як і для вас. Мы разумеем, што многія чакалі выступу артыстаў і падзяляем вашы пачуцці разам з вамі. Мы ўжо працуем над зменамі ў праграме і будзем трымаць вас у курсе анонсу», — напісалі арганізатары.
Падрабязней пра тое, які чакаецца сёлетні фэст, мы пісалі тут.