Нецвярозая кіроўца ў Мінску ўляцела ў слуп так, што аўто перакулілася
Аварыя адбылася ў сталіцы 3 чэрвеня каля 6-й раніцы.
03.06.2023 / 13:28
Паводле папярэдняй інфармацыі, 41-гадовая кіроўца аўтамабіля Nissan недалёка ад будынка №177 па праспекце Незалежнасці не справілася з кіраваннем і наехала на асвятляльную мачту. Аўтамабіль перакуліўся, паведамляе ДАІ Мінска.
Вынікі медагляду паказалі, што ў арганізме кіроўцы было 1,49 праміле алкаголю.
У ДТЗ абышлося без пацярпелых. На месцы здарэння працавалі супрацоўнікі аддзела ДАІ Першамайскага РУУС Мінска.