ZŠA anansavali novyja sankcyi suprać Rasii, datyčnyja technałohij dla iranskich bieśpiłotnikaŭ
Vašynhton rychtujecca abviaścić ab novych sankcyjach suprać Rasii, jakija zakranuć ekspart technałohij, jakija vykarystoŭvajucca ŭ iranskich bieśpiłotnikach. Pra heta zajaviŭ 30 maja dziaržsakratar ZŠA Entani Blinkien. Sa słoŭ čynoŭnika, pra sankcyi abvieściać užo ŭ sieradu, 31 maja.
30.05.2023 / 21:39
Entani Blinkien. Fota: AP Photo / Carolyn Kaster
Akramia ekspartu, sankcyi taksama buduć nakiravanyja suprać rasijskaj prapahandy i «dezynfarmacyi».
«Zaŭtra my abjavim ab novych mierach u śfiery ekspartnaha kantrolu ŭ dačynieńni da technałohij, jakija znojdzienyja ŭ iranskich bieśpiłotnikach […] Taksama ab mierach pa baraćbie z rasijskaj dezynfarmacyjaj i pa abaronie pravaabaroncaŭ u internecie», — zajaviŭ Blinkien na sumiesnaj pres-kanfierencyi z premjer-ministram Šviecyi Ulfam Krystersanam.
U sieradu dziaržsakratar voźmie ŭdzieł u niefarmalnaj sustrečy kiraŭnikoŭ MZS krain NATA ŭ Osła.
U siaredzinie maja ŭ Biełym domie zajavili, što sa žniŭnia minułaha hoda Iran pastaviŭ Rasii bolš za 400 dronaŭ-kamikadze. Pakul bieśpiłotniki — heta asnoŭnaja vajskovaja dapamoha, jakuju Tehieran nadaje Maskvie, adnak Kreml raźličvaje na bolšaje.
Čytajcie taksama:
Ministr zamiežnych spraŭ Vialikabrytanii pryznaŭ prava Ukrainy rabić dyviersii na terytoryi Rasii
Niamieččyna mahła b dadać u kaalicyju źniščalnik Eurofighter — Reźnikaŭ