Затрымалі дырэктара маркетынгавага агенцтва Андрэя Гусарава
Сілавікі затрымалі дырэктара маркетынгавага агенцтва Gusarov Андрэя Гусарава. Відэа з ім з'явілася ў блізкім да сілавікоў тэлеграм-канале, паведамляе «Медыязона».
30.05.2023 / 18:15
Андрэй Гусараў
Па якім артыкуле затрыманы Гусараў і дзе ён цяпер знаходзіцца — невядома. На камеру затрыманы кажа, што сузаснавальнік Tut.by Кірыл Валошын апублікаваў у сацыяльных сетках фатаграфію з ім, чым выклікаў іх павышаную цікавасць да затрыманага.
«Маю асобу праверылі, праверылі ўсе пасты ў сацыяльнай сетцы. Знайшлі стрымы з выбараў, забароненыя фатаграфіі, рэпосты з тэлеграм-каналаў, якія прызнаныя «экстрэмісцкімі» паводле заканадаўства Рэспублікі Беларусь», — гаворыць на камеру Гусараў.
Маркетынгавае агенцтва Gusarov аказвае паслугі ад маркетынгавых кансультацый да digital-прасоўвання.
Чытайце таксама:
Прызналі «экстрэмісцкімі» 4 песні гурта faceOFF
Так цяпер выглядае палітзняволены журналіст Яўген Меркіс ФОТА
Асудзілі за пратэсты трох чалавек у Круглым. Сярод іх дзяўчына, якой не давалі лячыцца