U Maskvie bieśpiłotnik urezaŭsia ŭ šmatpaviarchovy dom. U Padmaskoŭi źbili niekalki bieśpiłotnikaŭ — ŚMI
Rasijskija miedyi paviedamlajuć, što ŭnačy 30 maja ŭ vyniku ataki bieśpiłotnika adbyŭsia vybuch u šmatpaviarchovym domie ŭ Maskvie.
30.05.2023 / 07:27
Fota: Baza
Detali: pavodle infarmacyi Baza, vybuch adbyŭsia kala 4 hadzin ranicy ŭ šmatpaviarchoŭcy na vulicy Atłasava ŭ Novaj Maskvie, piša Baza.
Paviedamlajecca, što zdareńnie adbyłosia na 25-m paviersie, u niekalkich kvaterach vylecieli šyby.
Žychary doma, u jakim adbyŭsia vybuch, vyjavili pradmiet, padobny na kryło bieśpiłotnika. Pavodle viersii palicejskich, adznačaje vydańnie, mienavita jon moh stać pryčynaj vybuchu.
Paciarpiełych u vyniku incydentu niama.
«Baza» taksama paviedamlaje, što na miescy vybuchu ŭ šmatpaviarchoŭcy pracujuć techniki i supracoŭniki FSB.
Taksama vydańnie piša pra toje, što niekalki bieśpiłotnikaŭ źbityja nad Istraj u Padmaskoŭi. Nibyta bieśpiłotniki lacieli ŭ bok Novaj Ryhi pad Maskvoj.
Čytajcie taksama:
Čarhovaja načnaja ataka na Kijeŭ. Pavietranaja tryvoha doŭžyłasia amal try hadziny