У Лідзе жыве хлопчык, якога завуць Іван Царэвіч
Маладыя бацькі ўпэўненыя, што такое «казачнае» спалучэнне імя і прозвішча прынясе іх дзіцяці поспех, піша «Лідская газета».
29.05.2023 / 10:43
Сям'я Царэвічаў. Фота: «Лідская газета»
«Калі шчыра, з прозвішчам Царэвіч мне вельмі лёгка ісці па жыцці. Калі людзі яе чуюць, адразу дабрэюць, расплываюцца ва ўсмешцы. Тыя, хто менш тактоўны, жартуюць: «А чаму не Іван?» Вось я і вырашыў: калі ў мяне калі-небудзь народзіцца сын, назаву яго Іванам», — распавёў мясцоваму выданню бацька хлопчыка Аляксей Царэвіч.
Тое, што сітуацыя знаёмстваў для Вані будзе часам стэрэатыпнай, бацькоў не бянтэжыць.
— Добры дзень, прадстаўцеся, калі ласка.
— Іван Царэвіч.
— А я Алена Прамудрая. А калі сур'ёзна? — так, верагодна, будзе адбывацца не адна цырымонія знаёмства ў яго жыцці.
Бацька ўпэўнены, што імя і прозвішча прынясуць сыну поспех.
— Ванечку ўсяго два месяцы, а пра яго ўжо ў газеце напісалі! Чым не шанцаванне? — усміхаецца тата хлопчыка.
Маці хваліцца, што ў сына з нараджэння выдатны апетыт і вельмі гучны голас. Таму, калі ў радзільні быў чутны гучны дзіцячы плач, суседкі па палаце жартавалі: «Бяжы хутчэй: твой Царэвіч трапезнічаць жадае», — весела распавядае Алеся.
Чытайце таксама:
15-секунднае відэа з мінскага метро шакавала амерыканцаў. Твіт з ім сабраў 5 мільёнаў праглядаў