Čarhovy kamplekt zienitnaha rakietnaha kompleksu S-400 prybyŭ u Biełaruś — Minabarony
U Biełaruś dastaŭleny ZRK S-400, paviedamlaje pres-słužba Minabarony. U chutkim časie kompleks zastupić na bajavoje dziažurstva.
28.05.2023 / 19:45
Usie fota: Alaksandr Palitajeŭ / «Vajar»
Na palihonach Rasii biełaruskija zienitčyki prajšli poŭny kurs padrychtoŭki da bajavoha prymianieńnia sistemy. Minabarony paviedamlaje, što «vajskoŭcy hatovyja prymianić svaje viedy i ŭmieńni na praktycy dla zabieśpiačeńnia vajennaj biaśpieki Biełarusi i Sajuznaj dziaržavy ŭ cełym».
U Biełarusi praciahvajecca realizacyja mier pa naroščvańni bajavoha patencyjału rehijanalnaj hrupoŭki vojskaŭ, u tym liku asnaščeńnie złučeńniaŭ i vajskovych čaściej Uzbrojenych Sił novymi sučasnymi ŭzorami ŭzbrajeńnia, paviedamlaje Minabarony.
Ministry abarony Rasii i Biełarusi 25 maja padpisali dakumienty pra zachoŭvańnie jadziernaj zbroi ŭ Biełarusi. Tady ž Viktar Chrenin paviedamiŭ, što rehijanalnaja hrupoŭka biełaruska-rasijskich vojskaŭ uzmacniła svoj bajavy patencyjał takimi vidami ŭzbrajeńnia, jak apieratyŭna-taktyčny rakietny kompleks «Iskander-M» i zienitnaja rakietnaja sistema S-400.