U čarzie na ŭjezd u Jeŭrasajuz staić amal 400 lehkavych mašyn — DPK
Dziaržaŭny pamiežny kamitet paviedamiŭ, što pa stanie na 12:00 28 maja vialikija čerhi lehkavoha transpartu fiksujucca pierad polskim punktam propusku «Tarespal» (ź biełaruskaha boku — «Brest»), litoŭskimi — «Miedniki» («Kamienny Łoh»), «Salečniki» («Bieniakoni»), «Rajhard» («Pryvałka») i «Šumsk» («Łoša»).
28.05.2023 / 13:11
Fota ilustracyjnaje
Samaja vialikaja čarha ŭtvaryłasia pierad punktam propusku «Tarespal» — 250 lehkavych aŭtamabilaŭ.
Hruzavy transpart idzie z zatrymkami praź litoŭskija punkty propusku «Łavaryški» (ź biełaruskaha boku — «Katłoŭka»), «Miedniki» («Kamienny Łoh»), «Rajhard» («Pryvałka») i praz polski pamiežny punkt «Kukuryki» («Kazłovičy»).
Samaja vialikaja čarha tut — pierad punktam propusku «Miedniki» («Kamienny Łoh») — 100 hruzavych aŭtamabilaŭ.
Raniej paviedamlałasia, što z 27 pa 29 maja mohuć vyraści čerhi ŭ punkcie propusku «Kamienny Łoh» — tam mianiajuć asfalt, i dziela taho z šaści pałos, pryznačanych dla ruchu transpartu, hruzavyja aŭtamabili ruchajucca tolki pa adnoj, a lehkavyja — pa dźviuch.
Čytajcie taksama:
Jak padrychtavacca da pierachodu miažy? Raspytali ŭ tych, chto jaje niadaŭna prachodziŭ