U Hiermanii zatrymali biełarusa z kradzienymi šynami
U niamieckim horadzie Valdchajm, što znachodzicca ŭ niamieckaj ziamli Saksonija, zatrymali 26-hadovaha biełarusa, jaki vioz u mikraaŭtobusie kradzienyja tavary. Pra heta paviedamlaje sajt «Biełaruś i śviet» na asnovie paviedamleńnia miascovaj palicyi.
28.05.2023 / 12:14
Zdymak ilustracyjny. Fota: facebook.com / polizeibrandenburg
Niamieckija patrulnyja spynili dla pravierki sierabrysty Ford u centry horada na skryžavańni vulic Chaŭptštrase, Chartchierštrase i Valdštrase ŭ piatnicu, 19 maja, u 01:45.
U hruzavym adsieku aŭtamabila pravaachoŭniki vyjavili dva kamplekty kołaŭ u zbory na lohkaspłaŭnych dyskach, a taksama niekalki šyn. Źjaviłasia padazreńnie, što jany skradzienyja.
Jak vyśvietliłasia padčas papiaredniaha rasśledavańnia, vyraby koštam niekalki tysiač jeŭra byli ŭziatyja z terytoryi pradpryjemstva, što znachodzicca pablizu. Šyny byli kanfiskavanyja, a mužčyna dastaŭleny ŭ palicejski ŭčastak.
Ciapier u dačynieńni da biełarusa zaviali spravu pa fakcie kradziažu.
Čytajcie taksama:
U Biełarusi zatrymali kantrabandystaŭ ź biŭniami mamantaŭ