Ukrainskija bieśpiłotniki nočču znoŭ atakavali NPZ u Krasnadarskim krai
Niekalki bieśpiłotnikaŭ było źbita na padlocie da Ilskaha naftapierapracoŭčaha zavoda ŭ Krasnadarskim krai Rasii. Pra heta paviedamiŭ u telehramie apieratyŭny štab rehijona.
28.05.2023 / 10:23
Ilski NPZ. Fota ilustracyjnaje
«Kala druhoj hadziny nočy z suboty na niadzielu niekalkimi nieŭstanoŭlenymi bieśpiłotnymi aparatami ździejśniena sproba nablizicca da terytoryi Ilskaha NPZ. Usie jany byli niejtralizavanyja», — adznačyli ŭ viedamstvie.
Zhodna z paviedamleńniem uład, paškodžańniaŭ infrastruktury NPZ nie adbyłosia, zadymleńnie apieratyŭna likvidavali dziažurnyja słužby zavoda. Paciarpiełych niama.
Raniej bieśpiłotniki atakavali hety zavod 4 i 5 maja 2023 hoda. Abodva razy na jaho terytoryi ŭźnikaŭ pažar, ale pra paciarpiełych i značnyja paškodžańni infrastruktury nie paviedamlałasia.
Čytajcie taksama:
Ukrainskija dyviersanty atakavali vioski Broŭničy i Sušany ŭ Branskaj vobłaści Rasii