U ZŠA damovilisia pavialičyć stol dziaržaŭnaha doŭhu, kab paźbiehnuć defołtu
Prezident ZŠA Džo Bajden i śpikier Pałaty pradstaŭnikoŭ Kanhresa ZŠA Kievin Makarci dasiahnuli papiaredniaj damoŭlenaści ab pavyšeńni stoli dziaržaŭnaha doŭhu. Heta dazvolić krainie paźbiehnuć defołtu, piša Reuters.
28.05.2023 / 08:40
Fota: elements.envato.com
Žurnalisty pišuć, što pahadnieńnie dazvolić ZŠA jašče bolš pavialičyć dziaržaŭnuju zapazyčanaść, jakaja ŭžo pieravysiła 31,4 trłn dalaraŭ.
«Niekatory čas tamu ja razmaŭlaŭ pa telefonie z prezidentam. Paśla taho, jak jon hublaŭ čas i miesiacami admaŭlaŭsia vieści pieramovy, my pryjšli da pryncypovaha pahadnieńnia, hodnaha amierykanskaha naroda», — napisaŭ Makarci pa vynikach pieramoŭ u tvitary.
U Reuters pahadnieńnie, praŭda, apisvajecca jak «dalokaje ad idealnaha», jano musić prajści ciažki šlach da kančatkovaha rašeńnia ŭ Kanhresie ZŠA. Pahadnieńnie maje pavysić limit doŭhu na dva hady.
Bajden, u svaju čarhu, zajaviŭ, što kampramisny zakonaprajekt ab dziaržaŭnaj zapazyčanaści spynić nastupleńnie «katastrafičnaha defołtu». Jon nazvaŭ heta «pahadnieńniem, jakoje aznačaje, što nie ŭsie atrymlivajuć toje, što chočuć».
Raniej Minfin ZŠA papiaredžvaŭ, što biez pavyšeńnia stoli dziaržaŭnaha doŭhu ZŠA hrošy ŭ krainy dla apłaty svaich rachunkaŭ skončacca 5 červienia, i heta stanie vielizarnym uzrušeńniem nie tolki dla samich Złučanych Štataŭ, ale i dla ŭsioj suśvietnaj ekanomiki.