«Вагнераўцы» пасля адыходу з Бахмута перагрупаваліся ў трох месцах
Сакратар Рады нацыянальнай бяспекі і абароны Украіны Аляксей Данілаў паведаміў, што байцы ПВК «Вагнер» пасля сыходу з Бахмута працягнуць ваяваць супраць Украіны.
27.05.2023 / 11:08
Зруйнаваны Бахмут. Фота: 24-ая АМБр
У Данілава Бі-бі-сі спытала, ці сапраўды ідуць найміты «Вагнера» з Бахмута, ён гэта пацвердзіў.
«Так, гэта адбываецца. Яны не перастануць ваяваць з намі. Яны збіраюцца больш засяродзіцца на іншых франтах… яны перагрупоўваюцца ў трох іншых месцах».
Данілаў падтрымаў рашэнне ўкраінскай арміі ваяваць у Бахмуце на працягу многіх месяцаў.
Ён растлумачыў, што Бахмут — гэта ўкраінская зямля, і ўкраінцы павінны яе абараняць.
Сакратар РНБА падкрэсліў, што Бахмут «адыграў вялікую ролю ў гэтай вайне».
«Калі мы пачнем пакідаць кожны населены пункт, гэта можа прывесці нас да нашай заходняй мяжы, як таго хацеў Пуцін з першых дзён вайны», — сказаў Аляксей Данілаў.
Пра тое, што «вагнераўцы» пакідаюць, як і было заяўлена, Бахмут, стала вядома 25 мая. Іх замяняюць падраздзяленні рэгулярнай расійскай арміі.
Пад Бахмутам загінуў Міраслаў Лазоўскі.
Чытайце таксама:
Прыгожын пачаў выводзіць «вагнераўцаў» з Бахмута
У баях за Бахмут загінулі 10 тысяч зняволеных і 10 тысяч штатных байцоў ПВК «Вагнер» — Прыгожын
NYT паказала з вышыні знішчаны дашчэнту Бахмут
Прыгожын паведаміў, што выведзе вагнераўцаў з Бахмута ў тыл да 1 чэрвеня