Turystyčnaja kampanija adkryła vakansiju «teściroŭščyka načnych ciahnikoŭ»
Abranym kandydatam apłaciać piać načnych pajezdak pa Jeŭropie, a taksama błohierskuju pracu — stvareńnie fota i videa dy apisańnie svajoj pajezdki.
26.05.2023 / 19:55
Fota: Pixabay
Turystyčnaja kampanija Radical Storage šukaje kandydataŭ, jakija praviaduć miesiac u pajezdkach na načnych ciahnikach pa Jeŭropie.
Im apłaciać kvitki, a taksama prapanujuć 500 funtaŭ sterlinhaŭ (575 jeŭra) za dadatkovuju kreatyŭnuju pracu. Ad zajaŭnikaŭ patrabujuć stvaryć kantent — usiebakovyja ahlady pajezdak i vizualnyja materyjały.
Na sajcie adznačajecca, što na vakansiju moža pretendavać nie tolki «padarožnik-vieteran», ale luby čałaviek, «jaki imkniecca daśledavać Jeŭropu i adkryty dla novych uražańniaŭ».
«Teściroŭščyk» musić padzialicca ź inšymi ludźmi svaim dośviedam pajezdak u abranych načnych ciahnikach i raskazać, čamu inšyja pavinny (ci nie pavinny) razhladać hety transpart dla svajoj pajezdki.
U pryvatnaści, supracoŭnik pavinien padać nastupnyja materyjały:
- videa i fota kožnaha načnoha ciahnika,
- ahlady kožnaha načnoha ciahnika, u jakich buduć apisvacca jakaść snu, suadnosiny cany i jakaści, uražańni ad pajezdki,
- vodhuki ab vykarystańni kamiery zachoŭvańnia.
Taksama kandydat musić mieć dobryja arhanizatarskija zdolnaści, bo jamu treba budzie spłanavać svoj čyhunačny «tur» i zabraniravać miescy.
Što datyčyć padarožža, kampanija daje niekalki paradaŭ, siarod jakich:
- sabrać asobnuju sumku z rečami tualetu i pižamaj, kab dziela hetaha nie daviałosia adkryvać čamadan,
- źviarnuć uvahu na čas adpraŭleńnia i prybyćcia, kab, mahčyma, vydzielić čas na lubavańnie uschodam ci zachadam sonca,
- pahladzieć na YouTube i ŭ TikTok videa pra pajezdki ŭ abranym ciahniku — kab atrymać ujaŭleńnie, čaho čakać.
Vakansija adkrytaja da 5 lipienia. Padać zajaŭku mohuć paŭnaletnija asoby, jakija majuć adpaviednyja dakumienty, kab padarožničać pa Jeŭropie, i dobra havorać pa-anhlijsku.
Abrany kandydat zmoža vybrać miesiac pracy ŭ pieryjad ź lipienia 2023 hoda pa studzień 2024-ha.
Čytajcie jašče:
Minskamu hulniavomu błohieru płaciać navat za toje, što jon śpić
Vakansija mary: u Kanadzie prapanujuć 78 tysiač dalaraŭ na hod za toje, kab jeści doma cukierki