Siensacyja na čempijanacie śvietu! Łatvija pieramahła Šviecyju i vyjšła ŭ paŭfinał
U Ryzie Łatvija vyjhrała ŭ Šviecyi ź likam 3:1.
25.05.2023 / 22:43
Skrynšot videa
Zbornaja Łatvii (hałoŭny trenier Charyjs Vitalińš) u svajoj historyi jašče ni razu nie dachodziła da paŭfinała. Da hetaha kamanda čatyry razy hulała na stadyi 1/4 finału: u 2000, 2004, 2008 i 2018 hadach.
Šajby siońnia zakinuli Janis Jaks, Miks Indrašys i Dans Łakmielis.
U inšym čverćfinale Kanada pieramahła haspadaroŭ spabornictvaŭ Finlandyju — 4:1.
Nahadajem, što niekalkimi hadzinami raniej Niamieččyna vyjhrała ŭ Šviejcaryi 3:1, a ZŠA ŭ Čechii — 3:0.
Takim čynam u paŭfinałach u subotu zhulajuć ZŠA — Niamieččyna i Łatvija — Kanada.
Matč za treciaje miesca i finał projduć u niadzielu.
I paŭfinale i finał projduć u Tampiere.