U ZŠA adkazali, ci buduć jany mianiać raźmiaščeńnie svaich jadziernych sił paśla pieramiaščeńnia rasijskaj zbroi ŭ Biełaruś
ZŠA nie płanujuć mianiać raźmiaščeńnie jadziernych sił u suviazi z zajavaj ab pačatku pieramiaščeńnia jadziernaj zbroi ŭ Biełaruś. Pra heta zajaviła pres-sakratarka Biełaha doma Karyn Žan-Pjer, jak paviedamlaje Reform.by.
25.05.2023 / 22:00
Skryn videa pres-kanfierencyi
«My bačyli paviedamleńni ab damoŭlenaściach Rasii i Biełarusi i budziem praciahvać sačyć. ( … ) I my nie bačym nijakich padstaŭ karektavać raźmiaščeńnie svaich ułasnych jadziernych sił — vy čuli, što my kazali heta raniej. Jak i nijakich prykmiet taho, što Rasija rychtujecca ŭžyć jadziernuju zbroju ź Biełarusi», — zajaviła jana.
Siońnia Alaksandr Łukašenka zajaviŭ, što pieramiaščeńnie jadziernych bojeprypasaŭ užo pačałosia. Taksama ŭ hety dzień ministry abarony Biełarusi i Rasii Viktar Chrenin i Siarhiej Šajhu padpisali dakumienty, jakimi vyznačajecca paradak raźmiaščeńnia ŭ našaj krainie rasijskaj niestratehičnaj jadziernaj zbroi. Šajhu pry hetym padkreśliŭ, što kantrol za zbrojaj, a taksama pryniaccie rašeńniaŭ ab jaje prymianieńni zastajucca za Rasijaj.
Čytajcie taksama:
Łukašenka zajaviŭ, što pačałosia pieramiaščeńnie ŭ Biełaruś jadziernych bojeprypasaŭ