Źjaviłasia videa mierkavanaj ataki marskoha drona na rasijski karabiel «Ivan Churs» u rajonie praliva Basfor
Ukrainskija i rasijskija telehram-kanały apublikavali videa, na jakim mierkavanaja ataka marskoha drona na rasijski karabiel «Ivan Churs» u rajonie praliva Basfor.
25.05.2023 / 19:02
Skryn videa mierkavanaj ataki marskoha drona na rasijski karabiel «Ivan Churs»
Na kadrach bačna, što nadvodny dron dapłyvaje ŭščylnuju da vajskovaha karabla, jaki źniešnie nahadvaje «Ivan Churs».
Učora Minabarony Rasii ŭ paviedamleńni ab atacy nazvała jaje «biespaśpiachovaj», bo try drony byli źniščanyja. U jakaści dokazaŭ było apublikavanaje videa, ale na im bačny vybuch tolki adnaho ź ich.
Krynicy «Ukrainskaj Praŭdy» ŭ vajskovych kołach pacvierdzili praŭdzivaść videa, jakoje raspaŭsiudžvajecca ŭ siecivie, i zajavili, što rasijski raźviedvalny karabiel «Ivan Churs» atrymaŭ paškodžańni ŭ vyniku ataki marskich dronaŭ.
«Nie zatanuŭ, ale papadańnie było, jość značnyja paškodžańni korpusu i abarudavańnia. Ciapier rasijanie jaho śpiešna ramantujuć», — skazała krynica.