Актывіста Піліпа Шаўрова затрымалі ў Варшаве. Ён нібыта пагражаў забойствам
Актывіста Піліпа Шаўрова затрымалі ў Варшаве. Цяпер ён на волі, але чакае суда па некалькіх артыкулах.
24.05.2023 / 12:42
Піліп Шаўроў. Фота з сацсетак
Яму інкрымінуецца пагроза забойствам, піша «Еўрарадыё».
Таксама Шаўрову забаронена набліжацца да Беларускага хаба ў Варшаве і да асобы, якую ён пагражаў зарэзаць. Менавіта побач з хабам Шаўрова затрымалі 21 мая, калі там праходзіў мітынг салідарнасці з палітвязнямі.
У варшаўскай паліцыі пацвердзілі факт затрымання, але абверглі, што ў Шаўрова пры сабе быў нож.
Піліп Шаўроў стаў вядомы ў студзені 2020 года, калі пафарбаваў у чырвоны колер далоні помніка Пушкіну ў Мінску. Яго затрымалі і прымусілі на камеру нагаварыць пра праціўнікаў Лукашэнкі.
Неўзабаве Шаўроў апынуўся за мяжой. Цяпер ён крытыкуе прыхільнікаў Святланы Ціханоўскай у сацсетках і правакуе ўдзельнікаў акцый, якія яны ладзяць.
Чытайце таксама:
У Варшаве на публічным мерапрыемстве пабіліся беларускія эмігранты. Праз што быў канфлікт? ВІДЭА