Лукашэнка назваў дэзінфармацыяй заявы аб украінскім контрнаступленні
Аляксандр Лукашэнка лічыць дэзінфармацыяй і вар'яцтвам контрнаступ украінскай арміяй. Пра гэта ён заявіў на пасяджэнні Парламенцкай асамблеі АДКБ.
18.05.2023 / 11:06
«У любым баі дэзінфармацыя вельмі небяспечная. Згадайце Курскую бітву, пад Сталінградам, калі мы паспяхова дэзінфармавалі суперніка і выйгралі гэтую бітву», — сказаў ён.
«Але, павінен сказаць, самая вялікая дэзінфармацыя — гэты контрнаступ.
Ніякага контрнаступу, з майго пункта гледжання, няма і быць не можа. Гэта проста вар'яцтва. Адзін да пяці на фронце ваяваць па тэхніцы і жывой сіле — гэта проста вар'яцтва! Не, трэба нагнятаць, трэба накручваць украінцаў для таго, каб працягваць і ўтапіць нас у гэтым супрацьстаянні.
У гэтым сёння сутнасць на фронце. Мы гэта бачым. Гэта ў нас за плотам проста», — заявіў Лукашэнка.
Акрамя таго, Лукашэнка загаварыў пра нейкі новы варыянт перамоў.
«Перш чым вінаваціць нас у канфрантацыі, пашырэньні гэтага канфлікту, трэба вярнуцца за стол перамоваў.
Узяць не той дакумент (які выпрацоўваўся на пачатковым этапе ў ходзе праведзеных некалькіх раўндаў расійска-ўкраінскіх перамоваў. — Прым. БЕЛТА) — новы. Каб спыніць вайну», — прыводзяць яго словы дзяржСМІ.