U Minsku pačała pracu Mižnarodnaja vystava ŭzbrajeńnia i vajskovaj techniki MILEX-2023
Na vystavie MILEX-2023 pradstaŭlena vajskovaja i śpiecyjalnaja technika biełaruskaha, rasijskaha, kitajskaha i iranskaha vajenprama. Vystava prachodić z 17 pa 20 maja na terytoryi «Minsk-Areny».
17.05.2023 / 11:02
U Minsku pačała pracu Mižnarodnaja vystava ŭzbrajeńnia i vajskovaj techniki MILEX-2023. Usie fota: modmilby / Telegram
Adkryvajučy vystavu, ministr abarony Biełarusi Viktar Chrenin paviedamiŭ, što na joj pradstaŭleny ŭ tym liku «daŭhaviečnyja» ŭzbrajeńni minułaha stahoddzia, jakija prajšli madernizacyju.
«Na maštabnym zbrojevym ahladzie ekśpiertnaj supolnaści i hramadskaści pradstaŭleny nie tolki šyroki śpiektr pryncypova novych samych pieradavych vysokatechnałahičnych uzoraŭ uzbrajeńnia, ale i daŭhaviečnych, nadziejnych uzbrajeńniaŭ, raspracavanych u kancy i navat u siaredzinie XX stahoddzia, ale jašče nie vyčarpaŭšych zakładzieny ŭ ich patencyjał i resurs, jakija paśla hłybokaj madernizacyi i adaptacyi da sučasnych umoŭ viadzieńnia ŭzbrojenaj baraćby značna pavysili svaju bajavuju efiektyŭnaść, ekspłuatacyjnyja charaktarystyki i erhanomiku», — skazaŭ Chrenin.
Viktar Chrenin taksama zaŭvažyŭ, što siarod haściej mierapryjemstva jość pradstaŭniki «praktyčnych usich rehijonaŭ śvietu», niahledziačy na składanuju abstanoŭku. Pavodle jaho, heta «krasamoŭna śviedčyć ab tym, što ŭ našaj krainy jość šmat partnioraŭ, sajuźnikaŭ i adnadumcaŭ».