Адмянілі адтэрміноўку для маладзёнаў, што навучаюцца за мяжой
У Беларусі ўнеслі змены ў закон «Аб вайсковым абавязку і вайсковай службе». Папраўкі апублікаваныя на Нацыянальным прававым інтэрнэт-партале, піша БелТА.
16.05.2023 / 11:32
Фота: «Наша Ніва»
Адтэрміноўку ад службы для беларусаў, якія навучаюцца за мяжой, адмянілі. Аднак яна даецца тым навучэнцам, якія атрымліваюць адукацыю за мяжой па накіраванні беларускіх дзяржаўных органаў у рамках ажыццяўлення дзяржаўных праграм.
Акрамя таго, цяпер зняць з воінскага ўліку могуць тых, хто аформіў выезд для пастаяннага пражывання за межамі Беларусі. Таксама змяніўся тэрмін, неабходны для залічэння ў запас у выпадку, калі чалавек не служыў па прызыве, але служыў у сілавых ведамствах. Раней замест службы ў войску можна было два гады прапрацаваць на атэставанай пасадзе, напрыклад, у МНС, СК або МУС. Цяпер тэрмін працы павысілі да пяці гадоў. Выключэнне — выпускнікі міліцэйскіх і выратавальных ВНУ.
Чытайце таксама:
Абмежавалі выезд з краіны для «палітычных», чыноўнікаў і сілавікоў