Двое дзяцей атруціліся чадным газам у Гродзенскім раёне
Брат і сястра трапілі ў бальніцу, атруціўшыся чадным газам на дачы пад Гроднам, паведамляе прэс-служба МНС.
07.05.2023 / 15:11
Пацярпелыя — хлопчык 2011 года нараджэння і яго сястра 2015 года нараджэння. Інфармацыю пра здарэнне паведамілі ў МНС 7 мая ў 4:30 раніцы з бальніцы, куды трапілі дзеці.
Здарэнне адбылося ў садовым таварыстве «Зорачка-2008» каля вёскі Каробчыцы.
Як паведамляе МНС, атручэнне адбылося ў выніку заўчаснага закрыцця засаўкі коміна печы ў лазні.
Іншых падрабязнасцей пра акалічнасці здарэння і здароўе дзяцей пакуль няма.