FSB zajaviła ab praduchileńni ataki dronaŭ na vajskovy aeraport u Ivanaŭskaj vobłaści. Chacieli padarvać takija ž samaloty, jak u Mačuliščach
FSB zajaviła, što praduchiliła terakt na vajskovym aeradromie ŭ Ivanaŭskaj vobłaści, jaki nibyta płanavała ŭkrainskaja raźviedka. Pavodle FSB, atakavać płanavałasia samaloty radyjołakacyjnaha vyjaŭleńnia i kiravańnia A-50.
07.05.2023 / 13:33
Samalot-łakatar A-50. Fota: Minabarony Rasii
«Samarobnyja vybuchovyja pryłady dla ŭčynieńnia dyviersii płanavałasia dastavić z Ukrainy na lohkamatornym samalocie z Čarnihaŭskaj vobłaści», — havorycca ŭ paviedamleńni FSB.
Paśla pasadki samalota ŭ Tulskaj vobłaści «čalcy DRH, zavierbavanyja HUR Minabarony Ukrainy», i piłot byli zatrymanyja «ŭ momant pieradačy srodkaŭ paražeńnia».
Taki ž samalot A-50 paciarpieŭ ad ataki bieśpiłotnikam u Mačuliščach u lutym. A-50 — heta vielmi kaštoŭny samalot, jon ažyćciaŭlaje dalokuju raźviedku. Usiaho, spraŭnych i niaspraŭnych, takich samalotaŭ u Rasii dzieviać. Košt adnaho takoha samalota — 330 miljonaŭ dalaraŭ.