U Astraŭcy adkryli novuju ladovuju arenu
U Astraŭcy siońnia adkryli ladovuju arenu z trybunami na 300 hledačoŭ. Placoŭka raźličanaja na 120 čałaviek pry masavych katańniach.
04.05.2023 / 15:27
U Astraŭcy adkryli novuju ladovuju arenu. Usie fota: pul4region / Telegram
Astravieckaja ladovaja placoŭka ŭjaŭlaje saboj dvuchpaviarchovy budynak z katkom 30ch60 mietraŭ.
Jak paviedamlaje kanał Hrodzienskaha abłvykankama, u budynku raźmieščanyja administracyjnyja pamiaškańni, harderob, miesca vydačy kańkoŭ i 6 kamandnych raździavałak na 25 spartśmienaŭ kožnaja. Na druhim paviersie — trenažornaja zała z mužčynskaj i žanočaj raspranalniami na 28 čałaviek. Jość vip-łoža i pakoj dla pradstaŭnikoŭ srodkaŭ masavaj infarmacyi.
Na adkryćci byli kiraŭnik Hrodzienskaj vobłaści Uładzimir Karanik i ministr sportu i turyzmu Siarhiej Kavalčuk.
Budaŭniča-mantažnyja raboty na abjekcie pačalisia ŭ listapadzie 2020 hoda. Jon uzvodziŭsia za košt srodkaŭ respublikanskaha biudžetu. Zhodna z prajektam, košt budaŭnictva skłaŭ 18 młn 45 tysiač rubloŭ.
Ladovuju placoŭku ŭ Astraŭcy źbiralisia dabudavać da 2023 hoda.
Čytajcie taksama:
U Śvietłahorsku łamajuć padmurak hrandyjoznaha Ladovaha pałaca, kab pabudavać što ściplejšaje