Стаўка рэфінансавання знізілася, але стаўкі па крэдыце на Geely рэзка падскочылі
2 мая ў Беларусі знізілася стаўка рэфінансавання — з 10,5 да 10 %. Паколькі да яе прывязаныя крэдытныя прапановы, чакалася, што новыя Geely будзе больш выгадна набываць, але ўсе банкі нечакана паднялі стаўкі, піша av.by.
03.05.2023 / 09:17
Фота: архіў av.by
У красавіку Atlas Pro, Coolray, Tugella і Emgrand можна было ўзяць пад 2,88 %. Цяпер мінімальная стаўка падскочыла да 7,95 % (затым — 13 % гадавых (СР + 3)) альбо 8 % (затым — 13,5 % (СР + 3,5)) на першыя тры гады. Тэрмін крэдытавання — 10 гадоў. Спецыяльная стаўка на куплю электрамабіля Geely Geometry C засталася нязменнай — ад 9,99% тры першыя месяцы, з чацвёртага — 15,4% гадавых.
У Беларусі мадэльны шэраг Geely прадстаўлены седанам Emgrand (ад 49 200 руб.), красоверамі Coolray (ад 62 815 руб.), Atlas Pro (ад 73 950 руб.), Okavango (97 200 руб.), крос-купэ Tugella (ад 111600 руб.) і электрохетчбэком Geometry C (99 900 руб.).
Фота: архіў av.by
Таксама ўжо можна стаць уладальнікам флагманскага Monjaro, які ў нас каштуе 141 900-143 900 руб. (У пераразліку прыкладна 49 000 даляраў).
Як адзначылі ў адным са сталічных дылерскіх цэнтраў, попыт на кросовер вельмі высокі, нягледзячы на тое, што на яго не распаўсюджваецца спецпраграма крэдытавання.
Па-ранейшаму ў вольным продажы ёсць толькі Okavango і Geometry, астатнія машыны па лісце чакання.
У салоне адзначаюць: пастаўкі ідуць увесь час, але ў асноўным аўтамабілі адразу ж сыходзяць па раней заключаных кантрактах.
Чытайце таксама:
«Зялёная карта» хутка ўсё. Як будуць афармляцца страхавыя полісы на аўто для выезду за мяжу?
Па цане дзвюх кватэр у Мінску. Якія кемперы прадаюць у Беларусі
У Беларусі расце колькасць аўто ў продажы. Чаму так адбываецца? Тлумачаць гульцы рынку